نئی دہلی (ڈیلی پاکستان آن لائن) بھارتی سیاسی جماعت ”آل انڈیا مجلس اتحاد المسلمین“کے سربراہ اور رکن پارلیمان اسد الدین اویسی کا ”اصل مردانگی“ کے حوالے سےبیان سوشل میڈیا پر وائرل ہو رہا ہے۔
جلسے سے خطاب کرتے ہوئے اسد الدین اویسی نےکہا کہ اگر آپ کی بیوی غصہ کرے یا چیخے تو آپ اسے برداشت کر لیں، یہی اصل مردانگی ہے،مردوں کو اپنی بیویوں کے ساتھ اچھا برتاؤ کرنا چاہئے۔ انہوں نے مزید کہا کہ میں یہ بات کئی بار کہہ چکا ہوں کہ بہت سے لوگ میری باتوں سے پریشان ہیں۔ قرآن یہ نہیں کہتا کہ بیوی کو آپ کے کپڑے دھونے چاہئیں یا آپ کے لیے کھانا بنانا چاہئے یا آپ کے سر کی مالش کرنی چاہیے یا پھر جھاڑو دینا چاہیے، حقیقت میں (قرآن) یہ کہتا ہے کہ بیوی کی کمائی پر شوہر کا کوئی حق نہیں ہے لیکن بیوی کا شوہر کی کمائی پر حق ہے، کیونکہ اس کو آپ کا گھر چلانا ہے‘۔اسد الدین اویسی نے کہا کہ بلاوجہ اپنی بیوی پر غصہ نکالنے یا اس پر تنقید کرنے میں کوئی مردانگی نہیں ہے، اس کے غصے کو برداشت کرنا ہی مردانگی ہے۔
