لیلونگ وے(ڈیلی پاکستان آن لائن ) افریقی ملک ملاوی کے نائب صدر کے کا طیارہ لاپتا ہو گیاہے جس کی تلاش جاری ہے ۔
غیرملکی خبرایجنسی کے مطابق نائب صدر کو ساؤلوس کلاؤس کو دارالحکومت لیلونگوے سے لے جانے والا طیارہ اڑان کے کچھ دیر بعد ریڈار سے غائب ہوا۔ طیارے میں نائب صدر سمیت 10 افراد سوار ہیں۔
ملاوی کے صدرلازراس چکویرا نے بیان میں کہا کہ نائب صدر کے طیارے کی تلاش جاری ہے۔ طیارہ کو موزوزو ائیرپورٹ پر لینڈ کرنا تھا تاہم خراب موسم اور حد نگاہ کم ہونے پر طیارے کو واپس دارالحکومت آنے کے احکامات دئیے گئے تھے۔ ریسیکو ٹیمیں طیارے کے لاپتا ہونے والے ممکنہ علاقے میں سرچ آپریشن کر رہی ہیں۔نائب صدر کا طیارہ لاپتا ہونے کے بعد ملاوی کے صدر لازارس چکویرا نے بہاماس کے لیے فضائی سفر بھی منسوخ کردیا۔
