صنعا (ڈیلی پاکستان آن لائن) بحیرہ احمر میں یمن کے حوثی گروپ کی کشتیوں نے ڈنمارک کی کمپنی کے جہاز پر حملہ کیا ہے، امریکی ہیلی کاپٹر کی جوابی کارروائی میں 10 حملہ آور ہلاک ہوگئے۔
غیر ملکی میڈیا کے مطابق امریکی ہیلی کاپٹر کی جوابی فائرنگ سے حوثیوں کی 3 کشتیاں ڈوب گئیں، امریکی سینٹ کوم کے مطابق فائرنگ سے حوثی کشتیوں پر موجود عملہ ہلاک ہوگیا، امریکی سینٹ کوم کا کہنا ہے کہ فائرنگ کے بعد حوثیوں کی چوتھی کشتی علاقے سے نکل گئی، امریکی سینٹ کوم نے کہا کہ بحیرہ احمر میں 19 نومبر سے اب تک حوثیوں کا جہازوں پر یہ 23واں حملہ ہے۔
ادھر یمنی حکام کا کہنا ہے کہ امریکا نے بحیرہ احمر میں حوثی گروپ کی کشتیوں پر حملہ کیا ہے،یمنی حکام کے مطابق امریکی حملے سے 10 حوثی جنگجو جاں بحق اور 2 زخمی ہوگئے۔
