نیپرا میں نومبر کی فیول پرائس ایڈجسٹمنٹ کی درخواست پر سماعت چیئرمین نیپرا وسیم مختار کی زیرصدارت جاری ہے۔
سینٹرل پاور پرچیزنگ ایجنسی نے 4 روپے 66 پیسے فی یونٹ اضافہ مانگ رکھا ہے۔
نیپرا اتھارٹی کو بریفنگ دی گئی کہ مانگے گئے اضافے کا بوجھ بغیر جی ایس ٹی 33 ارب 90 کروڑ روپے بنتا ہے۔
بریفنگ میں بتایا گیا کہ جی ایس ٹی سمیت ایڈجسٹمنٹ کا اضافی بوجھ 40 ارب روپے بنتا ہے۔
نیپرا ممبر سندھ رفیق شیخ نے کہا کہ اضافی بلوں کے معاملے پر بجلی کی تقسیم کار کمپنیوں سے وضاحت طلب کی ہے۔
دورانِ سماعت اتھارٹی سے سوال کیا گیا کہ پاور ڈویژن کی طرف سے اضافی بلوں کے معاملے پر اختلاف کیا جا رہا ہے۔
جس پر نیپرا ممبر سندھ رفیق شیخ نے کہا کہ پاور ڈویژن کا اپنا اور ہمارا اپنا کام ہے، ہمیں اپنے کام سے کوئی نہیں روک سکتا۔
