میرپور : آزاد جموں و کشمیر کے سابق صدر بیرسٹر سلطان محمود چوہدری کی نمازِ جنازہ میرپور کے قائد اعظم سٹیڈیم میں ادا کر دی گئی، جس میں ہزاروں سوگواروں نے شرکت کی۔
قائد اعظم سٹیڈیم میرپور میں ادا کی گئی نمازِ جنازہ میں زندگی کے مختلف شعبوں سے تعلق رکھنے والے افراد نے شرکت کی۔ شرکاء میں وزیراعظم آزاد کشمیر فیصل ممتاز راٹھور، سابق وزیراعظم سردار تنویر الیاس، حکومتی وزراء، سیاسی رہنماؤں اور اعلیٰ حکام سمیت عوام کی بڑی تعداد موجود تھی۔
