پاکستان سے بیرون ملک جانے والوں کے لئے بڑی خوشخبری آگئی ، نجی ایئر لائن نے بڑا فیصلہ کرلیا۔
تفصیلات کے مطابق نجی ایئر لائن ایئرسیال نے بین الاقوامی فلائٹ آپریشن بڑھانے کافیصلہ کرلیا۔ ایئرسیال بین الاقوامی فلائٹ آپریشن بڑھانےکیلئے 5 جدیدطیارے لیز پر حاصل کرے گا۔
ذرائع نے بتایا ہے کہ نئے طیاروں کی خریداری کیلئےایئرسیال انتظامیہ مختلف ایوی ایشن کمپنیوں سےرابطے میں ہے۔
ذرائع کا مزید کہنا تھا کہ 5 نئے طیارے بیڑے میں شامل ہونے سے ایئرسیال پائلٹس، کیبن کریو سمیت دیگر بھرتیاں بھی کرے گا۔
یاد رہے کابینہ نے ایئرلائن کو 7 نئےبین الاقوامی روٹس پر پروازیں چلانےکی اجازت دی تھی، چین، ملائیشیا، سری لنکا، تھائی لینڈ، ترکیہ، برطانیہ اور کویت میں فلائٹ آپریشن کی اجازت دی گئی تھی۔
