لاہور(فلم رپورٹر)اداکارہ کنزا ہاشمی نے کہا کہ کئی ڈراموں میں کام کررہی ہوں، اپنے فینز کوبہت جلد سرپرائز دوں گی۔ٹی وی ڈراموں کی مصروفیات نے ہم جیسے فنکاروں کو فلموں سے دور کیا ہوا ہے۔ فلم انڈسٹری کے سنہری دور کے آثار نمایاں ہونے میں وقت لگے گا۔اب شوبز انڈسٹری کو جو نقصان ہوچکا ہے اسکا ازالہ ہونا بہت مشکل نظر آرہا ہے۔ کئی ایک ڈرامہ پروڈیوسر ز دیوالیہ ہوگئے ہیں۔ بہت سے فنکار سفید پوشی کے خاطر خاموش ہیں۔ ان خیالات کا اظہار انہوں نے میڈیا سے گفتگو کرتے ہوئے کیا۔ ان کا کہنا تھا کہ ملکی ہی نہیں بیرون ممالک سے بھی کا م کی آفرز ہورہی ہیں۔ذاتی طور پر اپنے ملک کی پروڈکشنز کو ترجیح دینا چاہتی ہوں۔ ان کا کہنا تھا کہ کم کام کرکے معیار برقرار رکھنا فنکار کے اپنے اوپر ہوتا ہے۔بطورفنکارہ جاندار سکرپٹس اور کردار میری پہلی ترجیح ہوتے ہیں۔
