ٹوکیو(ڈیلی پاکستان آن لائن )شدید نوعیت کے زلزلے نے پورے جاپان کو ہلاکر رکھ دیاہے جس کے باعث سونامی کی وارننگ جاری کر دی گئی ہے ۔
تفصیلات کے مطابق نئے سال کے پہلے روز وسطی جاپان میں 7.6 شدت کا زلزلہ آیا جس نے پورے ملک کو خوف میں مبتلا کر دیا ، شہری گھر اور عمارتوں سے باہر نکل آئے ۔ حکومت نے سونامی کی وارننگ جاری کرتے ہوئے شہریوں کو بلند مقامات پر جانے کی ہدایت کر دی ہے ۔ بتایا گیاہے کہ سمندر کی 5 میٹر تک بلند لہروں کے ٹکرانے کا خدشہ ہے ۔
