پاپوا نیو گنی: پاپوا نیو گنی کی حکومت نے فیس بک پر عارضی طور پر پابندی عائد کر دی ہے تاکہ سوشل میڈیا پر نفرت انگیز مواد، غلط معلومات، اور فحش مواد کو روکا جا سکے۔ حکام نے وضاحت دیتے ہوئے کہا کہ یہ ایک “آزمائشی” اقدام ہے، جس کا مقصد ملک میں معاشرتی ہم آہنگی کو فروغ دینا ہے۔
پولیس منسٹر پیٹر تسامیلی نے اس بات کی وضاحت کی کہ حکومت آزادی اظہار کو محدود کرنے کا ارادہ نہیں رکھتی بلکہ سوشل میڈیا کے “ذمہ دارانہ استعمال” کو یقینی بنانا چاہتی ہے۔ اس فیصلے پر مختلف میڈیا گروپوں، اپوزیشن اراکین اور کاروباری رہنماؤں کی جانب سے تنقید کی جا رہی ہے، جو اسے آزادی اظہار کے حق پر حملہ اور معاشی سرگرمیوں میں خلل ڈالنے والا قرار دے رہے ہیں۔
