ماسکو (ڈیلی پاکستان آن لائن) روس نے اقوام متحدہ سے اسرائیل فلسطین تنازع کے مستقل حل کےلیے بین الاقوامی کانفرنس بلانے کا مطالبہ کر دیا۔
روسی وزیر خارجہ سرگئی لاروف کا کہنا ہے کہ اسرائیل فلسطین تنازع ہمیشہ کےلیے منصفانہ طور پر حل کرنے کا واحد راستہ بین الاقوامی کانفرنس کا انعقاد ہے۔سرگئی لاروف کےمطابق اس میں سلامتی کونسل کے پانچوں مستقل رکن ممالک شریک ہوں۔ان کا مزید کہنا تھا کہ ریاست فلسطین کا وعدہ کر کے فلسطینیوں کے ساتھ مسلسل ناانصافی ہو رہی ہے جس سے انتہاپسندانہ جذبات کو ہوا مل رہی ہے۔
