اسلام آباد: سعودی عرب، قطر اور عمان نے امریکہ کو ایران پر حملے سے خبردار کیا ہے اور کہا ہے کہ اگر ایسا کیا گیا تو عالمی تیل کی مارکیٹ میں غیر معمولی اثرات مرتب ہوں گے جس سے امریکی معیشت بھی متاثر ہو سکتی ہے۔
وال اسٹریٹ جرنل کی رپورٹ کے مطابق، یہ خلیجی ممالک بظاہر خاموش ہیں مگر پس پردہ امریکہ پر دباؤ ڈال رہے ہیں کہ وہ ایران کے خلاف کوئی فوجی کارروائی نہ کرے۔
سعودی حکام نے ایران کو یقین دلایا ہے کہ وہ کسی بھی تنازعے میں ایران کا مخالف نہیں بنیں گے اور امریکہ کو ایران پر حملہ کرنے کے لیے اپنی فضائی حدود استعمال کرنے کی اجازت نہیں دیں گے۔
یہ موقف اس بات کو ظاہر کرتا ہے کہ خلیج کے ممالک عالمی اقتصادی صورتحال اور تیل کی ترسیل پر ممکنہ اثرات کو مدنظر رکھتے ہوئے محتاط رویہ اختیار کر رہے ہیں۔
