لاہور : سینٹرل ریجن میں واقع مختلف موٹرویز اور شاہراہوں کو حد نگاہ میں بہتری کے بعد دوبارہ ٹریفک کے لیے کھول دیا گیا۔ اس سے قبل شدید دھند کے باعث موٹرویز کے مختلف سیکشنز بند کر دیے گئے تھے تاکہ عوام کی جان و مال کو محفوظ رکھا جا سکے۔
موٹروے پولیس کے ترجمان کے مطابق، یہ اقدام عوام کی حفاظت کے پیش نظر کیا گیا تھا، کیونکہ دھند کی شدت نے ٹریفک کے لیے خطرات پیدا کر دیے تھے۔ لاہور ایسٹرن بائی پاس شدید دھند کے باعث مکمل طور پر بند کر دیا گیا تھا، جب کہ موٹروے ایم 3 (فیض پور سے جڑانوالہ تک) اور موٹروے ایم 2 (لاہور سے ہرن مینار تک) بھی ٹریفک کے لیے بند کر دی گئی تھیں۔
