وزیراعلیٰ خیبر پختونخوا علی امین گنڈاپور نے وفاق کی طرف سے خیبر پختونخوا کے 91 ترقیاتی منصوبوں کو پی ایس ڈی پی سے نکالنے پر وزیراعظم شہباز شریف کو خط لکھ دیا ہے۔
خط میں کہا گیا ہے کہ قومی اقتصادی کمیٹی کے اجلاس میں فیصلہ ہوا تھا کہ جاری منصوبوں کو ترجیحی بنیادی پر مکمل کیا جائے گا۔31 مئی کو ہونے والے سالانہ منصوبہ بندی کمیٹی کے فیصلوں سے پختونخوا حکومت کو شدید مایوسی ہوئی، صوبے میں جاری 91 ترقیاتی منصوبوں کو نکالنا ایس آئی ایف سی اور قومی اقتصادی کونسل کے فیصلوں کی خلاف ورزی ہے۔
