لاہور : عیدالفطر کے موقع پر پاکستان مسلم لیگ (ن) کے صدر محمد نواز شریف اور وزیراعلیٰ پنجاب مریم نواز شریف نے اپنے مرحومین بزرگان کی قبروں پر حاضری دی۔ نواز شریف اور دیگر عزیز و اقارب نے جاتی عمرہ میں نماز عیدالفطر ادا کی۔
عید کے دن، قائد مسلم لیگ (ن) محمد نواز شریف اور مریم نواز نے میاں محمد شریف، ان کی اہلیہ، بیگم کلثوم نواز، اور عباس شریف کی قبروں پر حاضری دی۔ اس موقع پر فاتحہ خوانی کی گئی اور مرحومین کی روحوں کے ایصال ثواب اور درجات کی بلندی کے لیے دعائیں کی گئیں۔
نواز شریف اور مریم نواز نے مرحومین کی قبروں پر پھول بھی رکھے اور ان کے لیے دعا کی۔ اس کے علاوہ، دونوں نے محفل میلاد شریف میں بھی شرکت کی، جہاں نعت خوانی کی گئی اور روحانی محافل میں شامل ہو کر اللہ کی بارگاہ میں دعا کی۔
