غزہ (ڈیلی پاکستان آن لائن)غزہ میں اسرائیلی بمباری کے باعث رفح کے علاقے میں ایک سکول میں پناہ لینے پر مجبور ہونے والے جوڑے کے خاندان نے گھروں کو واپسی کی امیدیں دم توڑنے پر ان کی وہیں شادی کرادی۔
رفح کے سکول میں بنے پناہ گزین کیمپ میں محمد اور یاسمین کی شادی اہل خانہ نے سادگی سے سر انجام دی۔ مہمانوں نے اسکول کے بلیک بورڈ پر زندگی کی نئی شروعات کرنے والے جوڑے کے لیے پیغامات لکھے۔
جوڑے کا کہنا ہے کہ کبھی سوچا نہ تھا کہ شادی ان حالات میں ہوگی ،لیکن خوشی ہے کہ ہم ایک ہو رہے ہیں۔ ہماری شادی نے یہاں موجود غم زدہ چہروں پر مسکراہٹ بکھیر دی۔
