ملک میں سونے کی فی تولہ قیمت میں مسلسل دوسرے روز اضافہ ہوگیا۔
آل پاکستان جیمز اینڈ جیولرز ایسوسی ایشن کے مطابق آج 700 روپے اضافے کے بعد ملک میں فی تولہ سونے کا بھاؤ 2 لاکھ 16 ہزار 100 روپے ہے۔
ایسوسی ایشن کے مطابق 10 گرام سونے کا بھاؤ 600 روپے اضافے سے ایک لاکھ 85 ہزار 271 روپے ہے۔
ایسوسی ایشن کے مطابق عالمی بازار میں سونے کا بھاؤ 7 ڈالر اضافے سے 2 ہزار 37 ڈالر فی اونس ہے۔ پاکستان میں سونے کی عالمی قیمت 20 ڈالر پریمیم شامل کرکے 2 ہزار 57 ڈالر فی اونس ہے۔
