اسلام آباد:محکمہ موسمیات نے آج سے 3 فروری تک ملک کے مختلف حصوں میں بارش اور برفباری کی پیش گوئی کی ہے۔ شمالی بلوچستان، گلگت بلتستان، آزاد کشمیر اور خیبرپختونخوا کے متعدد علاقوں میں بارش اور برفباری متوقع ہے، جبکہ اسلام آباد، پوٹھوہار، مری، گلیات اور پنجاب کے بعض حصوں میں بھی بارش کا امکان ہے۔ اس دوران بالائی خیبرپختونخوا، گلگت بلتستان اور کشمیر کے پہاڑی علاقوں میں لینڈ سلائیڈنگ کا خدشہ ظاہر کیا گیا ہے، شہریوں کو احتیاط کی ہدایت کی گئی ہے۔
