(ویب ڈیسک) نو منتخب وزیراعظم آزاد کشمیر فیصل ممتاز راٹھور کل اپنے عہدے کا حلف اٹھائیں گے۔
تفصیلات کے مطابق حلاف برداری کی تقریب کا باقاعدہ شیڈول جاری کر دیا گیا۔ حلف برداری کی تقریب کل جلال آباد صدر ہاؤس میں ہوگی۔صدر آزاد جموں و کشمیر نو منتخب وزیر اعظم سے کل 11 بجے حلف لیں گے۔
حلف برداری کی تقریب کے مہمانوں کی آمد 10:30 بجے شروع ہوگی۔ نو منتخب وزیراعظم کی آمد پر قومی ترانے بجائے جائیں گے۔ تلاوت قرآن پاک اور نعت شریف کے بعد نوٹیفکیشن پڑھا جائے گا۔
فیصل ممتاز راٹھور 11:30 بجے وزیراعظم کے عہدے کا حلف اٹھائیں گے۔ حلف نامے پر دستخط کے بعد وزیراعظم آزاد کشمیر کا خطاب متوقع ہے۔تقریب میں مہمانوں کی شرکت کیلئے داخلہ صرف دعوت نامے کے ذریعے ہوگا۔
حلف برداری کی تقریب کی سیکیورٹی کیلئے سخت انتظامات کی ہدایت کی گئی ہے جبکہ غیر متعلقہ افراد کا داخلہ بند ہے۔
