(ویب ڈیسک ) نیپرا نے ملک بھر میں یکساں بجلی ٹیرف کیلئے حکومتی درخواست کی منظوری دیدی ہے۔
حکام کے مطابق حکومت نے یکم جنوری 2026 سے ملک بھر کیلئے یونیفارم بجلی ٹیرف کیلئے نیپرا کو درخواست دی تھی، نیپرا نے 2026 کیلئے حکومتی ڈسکوز اور کے الیکٹرک کیلئے الگ الگ ٹیرف کی منظوری دی تھی۔
یونیفارم ٹیرف کا مقصد ملک کے تمام گھریلو، کمرشل اور صنعتی صارفین کیلئے ایک ٹیرف فراہم کرنا ہے۔
نیپرا نے حکومتی درخواست پر آج سماعت کی تھی ۔وفاقی حکومت کی جانب سے درخواست پر جلد فیصلے کی استدعا کی گئی تھی ۔
نیپرا نے اعداد و شمار کا جائزہ لے کر فیصلہ جاری دیا ۔فیصلے کی کاپی وفاقی حکومت کو ارسال کر دی گئی۔
