اسلام آباد: وزیراعظم شہباز شریف کی زیر صدارت پٹرولیم ڈویژن کے امور پر اجلاس میں ملک میں تیل و گیس سیکٹر کے مستقبل کے روڈ میپ پر تفصیلی بریفنگ دی گئی۔
اجلاس میں وزیراعظم نے کہا کہ ملک میں تیل و گیس کے نئے ذخائر کی دریافت ترجیحات میں شامل ہونی چاہیے تاکہ ملکی توانائی کی ضروریات کو بہتر طریقے سے پورا کیا جا سکے۔ انہوں نے مزید کہا کہ نئی دریافت شدہ پٹرولیم مصنوعات کی درآمد سے زرِمبادلہ کی بچت بھی ممکن ہوگی۔
وزیراعظم نے ہدایت دی کہ تیل و گیس سپلائی چین کو سرچشمہ سے صارف تک ڈیجیٹائز کیا جائے، جس سے نہ صرف شفافیت آئے گی بلکہ سمگلنگ کی روک تھام بھی ممکن ہوگی۔
اجلاس میں یہ بھی بریفنگ دی گئی کہ جون 2026 تک ملک میں 3 لاکھ 50 ہزار آر ایل این جی کنکشنز کا ہدف مکمل کیا جائے گا۔
