لاہور ٹریفک پولیس نے بڑی کارروائی کرتے ہوئے عرصہ دراز سے قتل کے مقدمے میں ملوث مطلوب کار پکڑلی، ٹریفک پولیس نے گاڑی اور اس کے ڈرائیور کو شاہدرہ پولیس کے حوالے کردیا۔
ترجمان ٹریفک پولیس لاہور کے مطابق انسپکٹر عرفان ڈوگر اپنے ٹیم ممبرز مشتاق اور عاصم کے ہمراہ نیو راوی پل پر مامور تھے کہ ایک مشکوک کار کو ای چالان کی چیکنگ کے لیے روکا گیا مگر کار ڈرائیور نے حواس باختہ ہوکر گاڑی کو بھگانے کی کوشش کی مگر ٹیم کی مدد سے اس کو روک لیا گیا۔
حکام کے مطابق مکمل چیک کرنے پر گاڑی کی نمبر پلیٹ جعلی نکلی اور چیسز نمبر کے مطابق بھی گاڑی مقدمہ نمبر 168/20 تھانہ کالیکی منڈی حافظ آباد میں قتل کے مقدمہ میں ملوث تھی۔
پولیس نے گاڑی اور اس کے ڈرائیور کو تھانہ شاہدرہ کے حوالے کر دیا گیا ہے۔
