فیڈرل بورڈ آف ریونیو (ایف بی آر) کے مطابق ڈائریکٹوریٹس جنرل حیدرآباد اور کراچی نے ٹیکس فراڈ سے اربوں کا نقصان پہنچانے والا نیٹ ورک پکڑ لیا۔
ایف بی آر کے مطابق رحمان انٹرپرائزز کیخلاف 10 ارب اور زیڈ اے امپکس کیخلاف 11.692 ارب ٹیکس فراڈ کے مقدمات درج ہیں۔
اس حوالے سے ایف بی آر نے مزید بتایا کہ تحقیقات کے دوران جعلی یونٹس اور جعلی انوائسز جاری کرنے میں منظم گروہوں کے ملوث ہونے کا انکشاف ہوا، جب کہ فنانشل مانیٹرنگ یونٹ کی طرف سے بھی تحقیقاتی رپورٹس میں دھوکہ دہی پرمبنی سرگرمیوں کی توثیق ہوئی۔
ایف بی آر کے مطابق دھوکہ دہی کرنے والوں کے خلاف قانونی کارروائی کرنے کے لئے پرعزم ہیں، جعل سازوں کے احتساب سے اربوں کے محصولات کی حفاظت یقینی بنائی جا سکے گی، ایف بی آر کاروبار میں منصفانہ اور مساویانہ ماحول کو فروغ دینے کے لئے پر عزم ہے۔
