لاہور: پاکستان ریلوے نے اہم فیصلہ کیا ہے ، گرمی کی چھٹیوں میں کراچی سے راولپنڈی تک خصوصی ٹرین چلے گی ۔
پاکستان ریلوے نے موسم گرما کی تعطیلات میں کراچی سے راولپنڈی کے درمیان ’’سمر ویکیشن سپیشل ٹرین‘‘ چلانے کا اعلان کیا ہے۔
سپیشل ٹرین گرمیوں کی تعطیلات میں 5 سے 30 جولائی تک چلیں گی، جس کا نوٹیفیکیشن بھی جاری کر دیا گیا ہے۔ نوٹیفکیشن کے مطابق سمر سپیشل ٹرین 5 جولائی کو کراچی سے رات 8:45 پر روانہ ہو کر اگلی سہ پہر 3:40 پر لاہور اور رات 10:00 بجے راولپنڈی پہنچے گی۔سپیشل ٹرین راولپنڈی سے دوپہر 12:30 روانہ ہو کر شام 6 بجے لاہور اور اگلے دن دوپہر 2:15 پر کراچی پہنچے گی۔
ٹرین 17 کوچز پر مشتمل ہو گی جس میں 2 اے سی بزنس، 2 اے سی سٹینڈرڈ، 12 اکانومی کلاس اور 1 پاور وین شامل ہیں۔سمر ویکیشن ٹرین ہر 2 دن بعد چلے گی جس میں 1140 افراد کے بیٹھنے کی گنجائش موجود ہو گی۔
