پاکستان کا مجموعی قرض 65 کھرب روپے سے تجاوز کرگیا۔
اسٹیٹ بینک کے مطابق مالی سال 2022ء کے مقابلے میں 2023ء میں قرضوں میں 27 فیصد کا اضافہ ریکارڈ کیا گیا اور دسمبر میں قرضے بڑھ کر 65.1 ٹریلین روپے ہوگئے ہیں۔
اس حوالے سے اسٹیٹ بینک کی جانب سے بتایا گیا ہے کہ گزشتہ مالی سال دسمبر میں قرضوں کا بوجھ 51 ٹریلین روپے تھا، گزشتہ مالی سال کے مقابلے رواں مالی سال دسمبر میں قرضوں میں 14.1 فیصد اضافہ ریکارڈ ہوا۔
اسٹیٹ بینک کے مطابق نومبر کے مقابلے میں دسمبر میں قرضوں میں 2.8 فیصد اضافہ ریکارڈ ہوا۔
اسٹیٹ بینک کی جانب سے بتایا گیا ہے کہ نومبر میں قرضوں کا حجم 63.3 ٹریلین روپے ریکارڈ کیا گیا تھا۔
