لاہور: وزیراعلیٰ پنجاب مریم نواز کی زیر صدارت خصوصی اجلاس میں صوبے میں گورننس کے نظام کو مزید مؤثر بنانے کے اقدامات کا فیصلہ کیا گیا ہے۔ اجلاس میں کھلے مین ہول، مہنگائی، آوارہ کتے، وال چاکنگ اور ابلتے نالوں کے مسائل پر خاص توجہ دی گئی۔
پہلی بار صوبے کے سرکاری اداروں کی کارکردگی کو جانچنے کے لیے پنجاب پرفارمنس مینجمنٹ یونٹ قائم کیا گیا ہے۔ وزیراعلیٰ ڈیش بورڈ کے ذریعے پورے صوبے کی لائیو مانیٹرنگ کریں گی، تاکہ ہر شہر میں شفاف نگرانی ممکن ہو۔
اس اقدام سے سرکاری اداروں کے سٹاف اور افسران کی کارکردگی کی مسلسل جانچ پڑتال اور عوامی خدمات کی بہتری یقینی بنانے کی کوشش کی جا رہی ہے۔
