لاہور( سپورٹس رپورٹر)پاکستان ویمن کرکٹ ٹیم کی کپتان ندا ڈار نے کہا ہے کہ نیوزی لینڈ ویمن کرکٹ ٹیم بہترین ٹیم ہے اسے ہوم گراو_¿نڈ پر ہرانا آسان نہیں ہوگا۔کپتان ندا ڈار نے ڈونیڈن میں پریس کانفرنس کرتے ہوئے کہا کہ سیریز سے پہلے ہمارے پریکٹس سیشن بہت اچھے رہے ہیں، پریکٹس میچز سے ہمیں فائدہ ہو گا، ہم سیریز کے منتظر ہیں۔انہوں نے کہا کہ نیوزی لینڈ ویمن ٹیم بہترین ٹیم ہے، ان کے ہوم گراو_¿نڈ پر کھیلنا آسان نہیں لیکن ہمارا باو_¿لنگ اٹیک اچھا ہے اور ہم نے سپن اور فاسٹ باو_¿لنگ کا شعبہ مضبوط کیا ہے۔ندا ڈار کا کہنا تھا کہ ان کنڈیشنز میں کھیلنا ایک چیلنج ہے لیکن سیکھنے کا موقع ملتا ہے، ہم جس طرح کھیلتے ہوئے آرہے ہیں ہمیں اس سلسلے کو برقرار رکھنا ہے، ہماری پوری ٹیم باصلاحیت ہے، کسی ایک کی نشاندہی نہیں کی جا سکتی اور ہمیں سیریز میں بنیادی چیزوں پر فوکس رکھنا ہو گا مزید کہا کہ ہر کھلاڑی اس سیریز کی اہمیت سے بہت اچھی طرح آگاہ ہے امید ہے کھلاڑی امیدوں پر پورا اتریں گی۔واضح رہے پاکستان اور نیوزی لینڈ کی ویمن ٹیموں کے درمیان پہلا ٹی 20 میچ کل کھیلا جائے گا
