ملکی سطح پر پیاز کی قیمتوں میں کمی کےلیے وزارتِ تجارت نے پیاز کی برآمدی قیمت میں 130 روپے فی کلو کا اضافہ کردیا۔
وزارت تجارت نے ایکسپورٹرز کو پیاز 210 روپے کے بجائے 340 روپے میں باہر بھیجنے کی ہدایت کردی۔
وزارت تجارت نے اپنے نوٹیفکیشن میں پیاز ایکسپورٹرز کےلیے پیشگی رقم لانے کی شرط بھی عائد کردی ہے۔
وزارت تجارت کے اس فیصلے سے مقامی سطح پر پیاز کی قیمتوں میں کمی کا امکان ہے۔
وزارتِ تجارت کا پیاز کی مقامی طلب و رسد پر نظر رکھنے اور ضرورت کے مطابق برآمدی قیمت مزید بڑھانے کا بھی فیصلہ ہے۔
بھارت کی جانب سے پیاز کی برآمد پر پابندی کے بعد پاکستان سے پیاز کی ایکسپورٹ میں اضافہ ہوا ہے، جس سے مقامی سطح پر قیمت 250 روپے فی کلو سے بھی بڑھ گئی ہے۔
