لاہور: لاہور کی ضلع کچہری نے یوٹیوبر سعد الرحمان المعروف ڈکی بھائی کی جانب سے اپنے سوشل میڈیا اکاؤنٹس اور اے ٹی ایم کارڈز کی سپرداری سے متعلق دائر درخواست پر نیشنل سائبر کرائم انویسٹی گیشن ایجنسی (NCCIA) کو رپورٹ پیش کرنے کا حکم دے دیا ہے۔
جوڈیشل مجسٹریٹ نعیم وٹو نے کیس کی سماعت کی۔ دورانِ سماعت NCCIA کے وکیل نے ایک بار پھر رپورٹ جمع کرانے کے لیے مہلت طلب کی، جس پر عدالت نے درخواست منظور کرتے ہوئے 15 دسمبر تک رپورٹ جمع کرانے کا حکم دیتے ہوئے سماعت ملتوی کر دی۔
یاد رہے کہ لاہور ہائی کورٹ پہلے ہی جوئے کی ایپس کی پروموشن کے مقدمے میں ڈکی بھائی کی درخواستِ ضمانت منظور کر چکی ہے۔ عدالت نے انہیں 10 لاکھ روپے کے مچلکے جمع کرانے کا حکم دیا تھا۔
