ویب ڈیسک: ڈی جی آئی ایس پی آر نے اہم پریس کانفرنس میں بھارت کے دہشتگردی میں ملوث ہونے کے ٹھوس شواہد پیش کر دیے، ڈی جی آئی ایس پی آر کی اس پریس کانفرنس کی حمایت میں بھارتی بھی بول پڑے ہیں۔
ڈی جی آئی ایس پی آر نے ایک ہنگامی پریس کانفرنس میں بھارت کی پاکستان میں دہشتگردی کی کارروائیوں میں مداخلت کے واضح اور ناقابل تردید شواہد پیش کر دیے۔ انہوں نے کہا کہ بھارت نہ صرف پاکستان کے اندرونی امن کو نقصان پہنچانے کی کوشش کر رہا ہے بلکہ علاقائی استحکام کو بھی داؤ پر لگا رہا ہے۔
ڈی جی آئی ایس پی آر کا کہنا تھا کہ پاکستان کے پاس ایسے ناقابل تردید شواہد موجود ہیں جو بھارت کی ریاستی سطح پر دہشتگرد تنظیموں کی پشت پناہی کو ظاہر کرتے ہیں۔
انہوں نے سوال اٹھایا کہ اگر بھارت واقعی پہلگام واقعے میں سچ پر ہے، تو وزیراعظم نریندر مودی نے اس واقعے کے شواہد میڈیا کے سامنے کیوں نہ رکھے؟
سوشل میڈیا پر ایک بھارتی نے ٹویٹ کرتے ہوئے مودی حکومت پر کڑی تنقید کی، اپنی پوسٹ میں لکھا کہ ’’ ڈی جی آئی ایس پی آر پریس کانفرنس کی اور بھارت کے پہلگام حملے میں ملوث ہونے کے ثبوت پیش کئے۔
پوسٹ میں مزید لکھا کہ ’مودی حکومت پہلگام حملے کے ثبوت میڈیا کے سامنے کیوں نہیں پیش کر رہی، فتح ہمیشہ اُسی کی ہوتی ہے جو پہل کرتا ہے، اور اب جبکہ پاکستان نے شواہد پیش کر دیے ہیں، بھارت کا شور صرف شور ہی رہے گا، سنا صرف اُسے جائے گا جو پہلے اور سچ بولا۔
Source link
