کراچی کے علاقے عزیزآباد بھنگوریہ گوٹھ گتے کی فیکٹری میں آگ بھڑک اٹھی، تین منزلہ فیکٹری میں پھنسے 10 سے زائد ملازمین کو فوری ریسکیو کرکے آگ پر قابو پا لیا گیا تاہم کولنگ کا عمل جاری ہے۔
فائربریگیڈ حکام کے مطابق فیکٹری تین منزلہ ہے ،آگ گراونڈفلور اورپہلی منزل پرلگی تھی، بالائی منزل پرپھنسے دس سے زائد ملازمین کو ریسکیوکیا گیا ہے۔
ریسیکو حکام کے مطابق فیکٹری میں گتے کے رول پیکنگ مشینیں موجود ہیں، فیکٹری سے تین گیس سلینڈر بھی باہرنکالے گئے۔
فائر افسر معراج کے مطابق فوری طور پر آگ لگنے کی وجہ معلوم نہیں ہوسکی ہے۔
