کراچی میں سخی حسن سرینہ موبائل مارکیٹ میں سکیورٹی گارڈ کی فائرنگ سے وی لاگر سعد احمد جاں بحق ہوگیا۔
وی لاگر کی جانب سے بار بار ویڈیو بنانے پر سکیورٹی گارڈ نے مشتعل ہو کر فائرنگ کی، جس سے وی لاگر جاں بحق ہوگیا۔
گارڈ نے واقعے کی تصدیق کرتے ہوئے بتایا کہ وی لاگر بار بار ویڈیو بنا رہا تھا جس پر میں نے گولی چلا دی۔
فائرنگ کے نتیجے میں سعد احمد شدید زخمی ہوا، جس کے بعد اسے اسپتال منتقل کیا گیا تاہم زخموں کی تاب نہ لاتے ہوئے وہ دم توڑ گیا۔
واقعے کے بعد پولیس نے سکیورٹی گارڈ کو حراست میں لے لیا۔
