لاہور( فلم رپورٹر)معروف پاکستانی ماڈل و اداکارہ حرا ترین نے کہا ہے کہ ہر کوئی عورتوں کو غلط سوچ سے نہیں دیکھتا۔حال ہی میں حرا ترین نے ایک پوڈ کاسٹ میں شرکت کی، پوڈ کاسٹ کے دوران جہاں انہوں نے کیریئر اور نجی زندگی سمیت مختلف موضوعات پر کھل کر اظہار خیال کیا وہیں خواتین کے مسائل پر بھی بات کی مزید کہا کہ میں نے ہمیشہ معیاری کام کرنے کی کوشش کی ہے اور یہی وجہ ہے کہ میں نے شوبز میں بہت جلد مقام حاصل کیا ہے پاکستان میں نئے اداکاروں میں بہت ٹیلنٹ موجود ہے جو بہت تیزی سے منظر عام پر آرہا ہے جو بہت خوش آئند بات ہے مزید کہا کہ میں نے اب تک جتنا بھی کام کیا ہے اس کو شائقین کی جانب سے بہت پسند کیا گیا ہے میری اداکاری کا مقصد ہی شائقین کے دل جیتنا ہے جس کے لئے میں کوشاں ہوں۔
