(ویب ڈیسک ) یوٹیوبر رجب بٹ کو برطانیہ کی جانب سے آج ڈیپورٹ کردیا گیا ہے۔
ذرائع کا کہنا ہے کہ رجب بٹ برٹش ایئر ویز کی پرواز سے رات 11 بج کر 15 منٹ پر انٹرنیشنل اسلام آباد ایئرپورٹ پہنچیں گے۔
واضح رہے کہ رجب بٹ اور ندیم نانی والا کی اسلام آباد ہائی کورٹ سے عبوری ضمانتیں بھی منظور ہو چکی ہیں ۔
ذرائع نے بتایا ہے کہ ملزمان کے خلاف گیملنگ ایپ اور سائبر کرائم سمیت دیگر مقدمات درج ہیں،ملزمان کے خلاف نیشنل سائبر کرائم انویسٹیگیشن ایجنسی نے ستمبر میں مقدمات درج کیے تھے۔
خیال رہے کہ یوٹیوبر رجب بٹ کو برطانوی ہوم آفس نے ان کے ویزے کی منسوخی کے بعد برطانیہ سے بے دخل کر دیا تھا۔
اطلاعات کے مطابق رجب بٹ کا ویزا غلط بیانی یا Misdeclaration کے الزام میں منسوخ کیا گیا، جس کے بعد انہیں ملک چھوڑنے کا حکم جاری کیا گیا تھا۔
