ویلنگٹن: قومی ویمنز کرکٹ ٹیم نے تاریخ رقم کردی۔ پاکستان ویمنز کرکٹ ٹیم نے نیوزی لینڈ کیخلاف پہلی دفعہ ٹی 20سیریز جیت لی۔
دوسرے ٹی ٹونٹی میچ میں پاکستانی ٹیم نے کیویز کو 10 رنز سے شکست دی اور سیریز 2-0 کی نمایاں برتری حاصل کر لی۔
دوسراٹی 20 میچ میں قومی ویمنز ٹیم نے پہلے کھیلتے ہوئے 6وکٹوں پر 137رنز بنائے ۔منیبہ علی 35اور عالیہ ریاض 32رنز کے ساتھ نمایاں رہیں ۔
پاکستان کے 137 رنز کے جواب میں نیوزی لینڈ کی ٹیم 127 رنز بنا سکی۔ پاکستان کی فاطمہ ثناء نے آخری اوور میں 17 رنز کا دفاع کیا۔ فاطمہ ثناء نے 3 اور سعدیہ اقبال نے 2 وکٹیں لیں۔
سیریز کا تیسرا اور آخری ٹی ٹوئنٹی میچ 9 دسمبر کو کھیلا جائے گا۔
