پرتھ: پاکستان اور آسٹریلیا کے درمیان تین میچز کی ٹیسٹ سیریز میں پرتھ میں ہونے والے پہلے ٹیسٹ میچ میں آسٹریلیا کی بیٹنگ جاری ہے۔ آسٹریلیا نے 17 اوورز میں بغیر کسی نقصان کے86 رنز بنالیے ہیں۔
میزبان ٹیم نے ٹاس جیت کر پہلے بیٹنگ کا فیصلہ کیا۔ اس موقع پر پاکستان ٹیسٹ کپتان شان مسعود کا کہنا تھا کہ اگر وہ ٹاس جیت جاتے تو پہلے بیٹنگ کرتے۔
???? T O S S A L E R T ????
Australia have won the toss and elected to bat first #AUSvPAK pic.twitter.com/x7D3kFlqIQ
— Pakistan Cricket (@TheRealPCB) December 14, 2023
قومی ٹیسٹ ٹیم کے کپتان شان مسعود نے بتایا کہ آسٹریلیا کے خلاف پہلے میچ میں ہماری ٹیم میں دو کھلاڑی ڈیبیو کر رہے ہیں۔اس سے قبل عامر جمال اور خرم شہزاد کو ٹیسٹ کیپ دی گئی، شاہین آفریدی اور حسن علی نے کھلاڑیوں کو ٹیسٹ کیپ دی۔
The two debutants receive their Test caps ????#AUSvPAK pic.twitter.com/GGAj1ND2sS
— Pakistan Cricket (@TheRealPCB) December 14, 2023
خیال رہے کہ آسٹریلیا کیخلاف ٹیسٹ میچ میں شاہین شاہ آفریدی قومی ٹیم کے وائس کپتان کے فرائض انجام دیں گے۔
پاکستانی اسکواڈ:
قومی ٹیم نے چار فاسٹ بولرز کے ساتھ میدان میں اترنے کا فیصلہ کیا، پاکستان ٹیم میں کپتان شان مسعود، امام الحق، عبداللّٰہ شفیق، بابراعظم، سعود شکیل، سرفراز احمد، سلمان علی آغا، فہیم اشرف، شاہین شاہ آفریدی، عامر جمال اور خرم شہزاد شامل ہیں۔
آسٹریلوی ٹیم:
دوسری جانب آسٹریلوی ٹیم میں ڈیوڈ وارنر، عثمان خواجہ، مارنوس لبوشین، اسٹیو اسمتھ، مچل مارش، ٹریوس ہیڈ، الیکس کیری، مچل اسٹارک، کپتان پیٹ کمنز، نیتھن لائن اور جوش ہیزل ووڈ شامل ہیں۔
اس کے علاوہ عثمان خواجہ کو فلسطین کی حمایت کے نعروں والے جوتے پہننے کی اجازت نہ ملی، آسٹریلوی کرکٹر نے بازو پر کالی پٹی باندھ لی۔
واضح رہے کہ پاکستان اور آسٹریلیا کے درمیان تین ٹیسٹ میچوں کی یہ سیریز بینو قادر ٹرافی کیلئے مغربی آسٹریلیا کے دارالحکومت پرتھ میں کھیلی جارہی ہے۔
