پاکستان کرکٹ ٹیم کے کھلاڑی کل نیوزی لینڈ کے شہر ہملٹن میں عیدالفطر منائیں گے۔ نیوزی لینڈ میں اتوار کو چاند نظر نہیں آیا تھا، جس کی وجہ سے وہاں 30 روزے مکمل کیے جا رہے ہیں۔
پاکستانی اسکواڈ کے اراکین عید کی نماز کے بعد اکٹھے وقت گزاریں گے، جبکہ ٹیم منیجمنٹ نے عید کے دن کا ٹریننگ سیشن سہ پہر میں رکھا ہے۔
مقامی وقت کے مطابق قومی ٹیم دوپہر 2 بجے سے شام 5 بجے تک ٹریننگ کرے گی۔
واضح رہے کہ پاکستان اور نیوزی لینڈ کے درمیان دوسرا ون ڈے میچ بدھ کو شیڈول ہے۔ سیریز کے پہلے میچ میں نیوزی لینڈ نے پاکستان کو 73 رنز سے شکست دی تھی۔
