بھارتی اداکار سنجے دت بھی سوئنگ کے سلطان کے نام سے پہچانے جانے والے پاکستان کے سابق کپتان وسیم اکرم کے مداح نکلے۔
دبئی میں منعقدہ ایک تقریب میں سابق کرکٹر وسیم اکرم اور بالی ووڈ اداکار سنجے دت دونوں کو مدعو کیا گیا تھا۔ اس دوران سنجے دت اسٹیج پر تقریر کرتے ہوئے وسیم اکرم کی تعریف کیے بنا نہ رہے۔
سنجے دت کا کہنا تھا کہ ‘میں وسیم بھائی کے ساتھ یہاں بلائے جانے کو اپنے لیے اعزاز سمجھتا ہوں۔ وہ میرے بھائی ہیں جنہیں میں کئی سالوں سے جانتا ہوں۔’
باولی ووڈ اداکار نے مزید کہا کہ ‘میں نے اپنی زندگی میں جو بہترین کرکٹرز دیکھے یہ ان میں سے ایک ہیں اور وہ کرکٹ کے بھگوان ہیں۔ وسیم بھائی کی ریورس سوئنگ سے سب ڈر جاتے تھے۔’
