پی ایس ایل کے 16 ویں میچ میں کوئٹہ گلیڈی ایٹرز نے سنسنی خیز مقابلے میں کراچی کنگز کو شکست دیدی۔
کراچی میں کھیلے گئے میچ میں کوئٹہ گلیڈی ایٹرز نے کراچی کنگز کیخلاف ٹاس جیت کر فیلڈنگ کافیصلہ کیا،کراچی کنگز نے مقررہ اوورز میں 8 وکٹوں کے نقصان پر 165 رنز بنائے۔جیمز وینس37، محمد نواز28 رنز کیساتھ نمایاں بلے باز رہے۔
کوئٹہ گلیڈی ایٹرز کی جانب سے ابرار احمد نے 3، عقیل حسین اور عثمان طارق نے دو، دو کھلاڑیوں کو آئوٹ کیا۔
166رنز کا ہدف کوئٹہ گلیڈی ایٹرز نے آخری گیند پر حاصل کیا، شرفانے ردرفورڈ نے 58اورجیسن رائے نے 52 رنز بنائے،حسن علی اور زاہد محمود نے 2،2وکٹیں حاصل کیں۔
اس جیت کے بعد کوئٹہ گلیڈی ایٹرز پوائنٹس ٹیبل پر دوسرے اور کراچی کنگز پانچویں نمبر پر براجمان ہے ۔
