پاکستان کرکٹ ٹیم کے سابق کپتان وسیم اکرم رش کی وجہ سے کراچی اسٹیڈیم نہ پہنچ سکے، انکے ہمراہ اظہر علی اور مصباح الحق بھی موجود تھے۔
سماجی رابطے کی ویب سائٹ ایکس پر جاری کردہ ویڈیو میں وسیم اکرم نے بتایا کہ وہ ڈیڑھ گھنٹے تک ٹریفک میں پھسنے رہے۔ صرف یہی نہیں انہیں یوٹرن لینے میں بھی مزید گھنٹہ لگا۔
وسیم اکرم کا کہنا تھا کہ ‘مجھے آج سمجھ آگئی ہے کہ کراچی کے لوگ میچز دیکھنے کیلئے اسٹیڈیم کا رخ کیوں نہیں کررہے ہیں۔ جب ہم اسٹیڈیم کے قریب تک نہیں پہنچ سکے تو لوگ کیسے آئیں گے’۔
انہوں نے مزید کہا کہ ‘سوال اٹھایا کہ کنٹینر لگا کر راستے بند کردینا ہر چیز کا حل نہیں، ہمیں ان مسائل کو حل کرنا ہوگا۔’
خیال رہے کہ گزشتہ روز نیشنل اسٹیڈیم کراچی میں پاکستان سُپر لیگ (پی ایس ایل) 9 کے دوسرے مرحلے کا آغاز ہوا جس میں کراچی کنگز اور کوئٹہ گلیڈی ایٹرز کی ٹیمیں آمنے سامنے آئیں تھیں۔
