(ویب ڈیسک ) پاکستان اور بھارت کی بلائنڈ ویمن کرکٹرز نے نفرست کی سایست کو مسترد کردیا ہے۔
پاکستان اور بھارت کی بلائنڈ ویمن کرکٹ ٹیموں نے ورلڈ کپ میچ کے بعد ایک دوسرے سے گرم جوشی سے ہاتھ ملا کر یہ ثابت کردیا کہ کھیل کا اصل جذبہ دوستی اور احترام ہے، نہ کہ نفرت اور سیاست۔ دونوں ٹیموں کے اس مثبت رویے نے اُن لوگوں کو واضح پیغام دیا ہے جو کھیلوں میں نفرت انگیزی کو ہوا دینے کی کوشش کرتے ہیں۔
اس سے قبل بھارت کی مینز کرکٹ ٹیم نے ایشیا کپ میں پاکستان کے کھلاڑیوں سے ہاتھ ملانے سے انکار کرکے کھیل کو سیاست کا رنگ دینے کی کوشش کی تھی۔ خواتین کے ورلڈ کپ اور گزشتہ روزہونے والے رائزنگ اسٹارز ایشیا کپ میں بھی ایسی ہی صورتحال دیکھنے میں آئی، جہاں بھارتی ٹیم نے اسپورٹس مین اسپرٹ کے برخلاف ہینڈ شیک نہیں کیا۔
اس کے برعکس ہاکی، فٹ بال اور ہینڈبال کے کھلاڑی پہلے ہی یہ واضح کر چکے ہیں کہ کھیل کو سیاست سے پاک رہنا چاہیے۔ اب بلائنڈ ویمن کرکٹرز نے بھی اپنے عمل سے دنیا کو یاد دلایا ہے کہ اسپورٹس کا مقصد جوڑنا ہوتا ہے، توڑنا نہیں۔
Source link
