جوہانسبرگ (ڈیلی پاکستان آن لائن) جنوبی افریقا میں پلاٹینم کی کان میں لفٹ گرنے سے11 مزدور ہلاک اور 75 زخمی ہوگئے۔
غیر ملکی میڈیاکے مطابق پیر کی شام کو شمال مغربی شہر رسٹنبرگ کی پلاٹینم کی کان میں مزدوروں سے بھری لفٹ اچانک تقریباً 200 میٹر کی بلندی سے گر گئی جس کے نتیجے میں 11 افراد ہلاک اور 75 زخمی ہو گئے۔حکام کا کہنا ہے کہ یہ حادثہ اس وقت پیش آیا جب مزدوروں کی شفٹ ختم ہورہی تھی۔
واضح رہے کہ جنوبی افریقا دنیا کا سب سے بڑا پلاٹینم پیدا کرنے والا ملک ہے، یہاں 2022 میں کان کنی کے کئی حادثات میں 49 ہلاکتیں ہوئیں۔
