اسلام آباد: انسداد دہشت گردی عدالت (اے ٹی سی) اسلام آباد نے صحافی مطیع اللہ جان کی ضمانت 10 ہزار روپے مچلکوں کے عوض منظور کر لی ہے۔ مطیع اللہ جان کے خلاف منشیات اور دہشت گردی کے الزامات کے تحت کیس کی سماعت ہوئی، جس میں عدالت نے انہیں ضمانت پر رہا کرنے کا حکم دیا۔
سماعت کے دوران اے ٹی سی جج طاہر عباس سِپرا نے تفتیشی افسر سے استفسار کیا کہ مطیع اللہ جان کو کب پیش کیا جائے گا، جس پر افسر نے بتایا کہ انہیں 12 بجے تک پیش کیا جائے گا۔ عدالت نے صحافی کو جلد از جلد پیش کرنے کی ہدایت کی۔
یہ بات قابل ذکر ہے کہ گزشتہ روز اسلام آباد ہائی کورٹ نے مطیع اللہ جان کے دو روزہ جسمانی ریمانڈ کو معطل کر دیا تھا، جس کے بعد عدالت نے ان کی ضمانت منظور کی ہے۔
