اسلام آباد: وفاقی وزیر برائے دفاعی پیداوار محمد رضا حیات ہراج نے انڈونیشیا کے اعلیٰ سطحی دفاعی وفد سے ملاقات کی، جس کی قیادت لیفٹیننٹ جنرل ریٹائرڈ جافری شمس الدین کر رہے تھے۔ ملاقات میں دونوں ممالک نے دفاعی شعبے میں تعاون بڑھانے پر تبادلہ خیال کیا۔
وزیردفاعی پیداوار نے انڈونیشیا کے حکام کو IDEAS 2026 میں فعال شرکت کی دعوت دی اور کہا کہ پاکستان انڈونیشیا کے ساتھ قریبی تعلقات کو بہت اہمیت دیتا ہے۔ انہوں نے کہا کہ پاکستان کے دفاعی پیداوار کے شعبے میں بے پناہ صلاحیت موجود ہے۔
دونوں ممالک نے دفاعی پیداوار کے شعبے میں تعاون کے لیے مشترکہ ورکنگ گروپس قائم کرنے پر اتفاق کیا، جس میں انڈونیشیا کے وفد نے بھرپور دلچسپی کا اظہار کیا۔
