اسلام آباد: پاکستان نے آئندہ ٹی ٹوئنٹی ورلڈ کپ کے حوالے سے ایک انتہائی اہم اور غیر معمولی فیصلہ کیا ہے۔ باضابطہ اعلان کے مطابق، قومی کرکٹ ٹیم ورلڈ کپ میں تو ایکشن میں نظر آئے گی، تاہم روایتی حریف بھارت کے خلاف کوئی بھی میچ نہیں کھیلے گی۔
پاکستان ٹورنامنٹ کے تمام دیگر میچز میں حصہ لے گا، لیکن بھارت کے خلاف میچ کا بائیکاٹ کرے گا۔ذرائع کا کہنا ہے کہ یہ فیصلہ بھارتی کرکٹ بورڈ کے مسلسل منفی رویے اور پاکستان کے ساتھ کھیلنے سے انکار کے جواب میں کیا گیا ہے۔
اس اعلان نے آئی سی سی (ICC) اور عالمی کرکٹ حلقوں میں کھلبلی مچا دی ہے۔پاکستان کے اس سخت فیصلے کے بعد آئی سی سی کے لیے ٹورنامنٹ کے شیڈول کو برقرار رکھنا ایک بڑا چیلنج بن گیا ہے۔ ماہرین کے مطابق، اگر پاکستان اپنے فیصلے پر قائم رہتا ہے تو اس سے ایونٹ کی ریٹنگز اور کمرشل ریونیو کو شدید دھچکا لگ سکتا ہے۔
حکام نے واضح کیا ہے کہ پاکستان اب برابری کی سطح پر کرکٹ کھیلنے کا حامی ہے اور یکطرفہ رویوں کو مزید برداشت نہیں کیا جائے گا۔ پاکستان کی ٹیم ورلڈ کپ کے لیے بھرپور تیاری کرے گی لیکن بھارت کے خلاف میدان میں نہیں اترے گی۔
