اوٹاوا (ڈیلی پاکستان آن لائن) امریکہ کے اہم اتحادی ملک کینیڈا نے بھارت کو بڑا غیر ملکی خطرہ قرار دے دیا۔
نجی ٹی وی ایکسپریس نیوز کےمطابق کینیڈا کی انٹیلی جنس رپورٹ میں ریاست کو وارننگ دی گئی ہے کہ بھارت کینیڈا کے آئندہ انتخابات میں مداخلت کر سکتا ہے جس سے ملک میں جمہوریت کمزور ہو گی لہذا بھارت ایک بڑا غیر ملکی خطرہ ہے۔
کینیڈا کے وزیراعظم جسٹن ٹروڈو نے انٹیلی جنس رپورٹ پر تحقیقات کا حکم دے دیا، رپورٹ میں چین کو بھی ممکنہ خطرہ قرار دیا گیا کہ وہ بھی کینیڈا کے انتخابات میں مداخلت کر سکتا ہے۔
واضح رہے کہ کینیڈا میں سکھ رہنما کے قتل کے بعد سے اس کے بھارت سے تعلقات سخت خراب ہیں، بھارتی خفیہ ایجنسیاں سکھ رہنما کے قتل میں ملوث تھیں۔
