اے بی ڈی ویلیئرز نے ویرات کوہلی اور انوشکا شرما سے معافی مانگ لی

جنوبی افریقہ کے سابق کرکٹر مسٹر 360 اے بی ڈی ویلیئرز نے بھارتی اداکارہ انوشکا شرما اور ان کے شوہر بھارتی کرکٹر ویرات کوہلی سے معافی مانگ لی۔ 

ویرات کوہلی کی انگلینڈ کیخلاف سیریز میں عدم دستیابی معمہ بن گئی تھی۔ اس حوالے سے اے بی ڈی ویلیئرز نے کہا تھا کہ ویرات کوہلی اور انوشکا شرما کے ہاں دوسرا بچہ ہونے والا ہے۔ اسلئے کوہلی نے انگلینڈ کے خلاف ٹیسٹ میچز چھوڑ دیئے۔

انہوں نے کہا تھا کہ میرا ویرات کوہلی کے ساتھ پیغامات کا تبادلہ ہوا ہے، فیملی زیادہ لوگوں کی ترجیح ہوتی ہے جو اچھی چیز ہے۔

تاہم اب انہوں نے نجی معلومات لیک کرنے پر انوشکا شرما اور ویرات کوہلی سے معافی مانگتے ہوئے کہا ہے کہ میں نے جو معلومات دی تھیں وہ  درست نہیں ہیں۔