آئل اینڈ گیس ریگولیٹری اتھارٹی (اوگرا) نے گیس کمپنیوں کے لیے ایل این جی قیمتوں میں کمی کردی۔
اوگرا نے ایل این جی کی نئی قیمتوں کا نوٹیفکیشن بھی جاری کر دیا ہے اور یہ نئی قیمتیں یکم فروری سے نافذالعمل ہوں گی۔
نوٹیفکیشن کے مطابق، سوئی نادرن کمپنی کے لیے ایل این جی کی قیمت میں 1.19 ڈالرز فی ایم ایم بی ٹی یو کی کمی کے بعد نئی قیمت 12.49 ڈالرز فی ایم ایم بی ٹی یو مقرر کی گئی ہے۔
سوئی سدرن کمپنی کے لیے ایل این جی کی قیمت میں 1.28 ڈالرز فی ایم ایم بی ٹی یو کی کمی کے بعد نئی قیمت 12.95 ڈالرز فی ایم ایم بی ٹی یو مقرر کی گئی ہے۔
