پاکستان انٹرنیشنل ایئرلائن (پی آئی اے) انتظامیہ نے قومی ایئرلائن کی نجکاری سے متعلق تفصیلات پاکستان اسٹاک ایکسچینج (پی ایس ایکس) کو فراہم کردیں۔
مراسلے کے مطابق قومی ایئرلائن کی نجکاری کےلیے پہلے مرحلے میں دبئی میں غیر ملکی کمپنی کو مالیاتی مشیر مقرر کیا گیا ہے۔
مراسلے کے مطابق مالیاتی مشیر فرم نے پی آئی اے کو نجکاری سے قبل 2 حصوں میں تقسیم کرنے کی تجویز دی ہے۔
پی آئی اے انتظامیہ کے مطابق مالیاتی مشیر فرم نے قومی ایئرلائن کی 2 حصوں میں تقسیم کی تجویز نجکاری کمیشن دی ہے۔
مراسلے کے مطابق وفاقی کابینہ نے 6 فروری کو پی آئی اے کو دو حصوں میں تقسیم کرنے کی منظوری دی۔
مراسلے کے مطابق پی آئی اے نجکاری کی وفاقی کابینہ نے ریگولیٹری اور قانونی فریم ورک مکمل کرنےکی منظوری دی۔
ذرائع کے مطابق قوانین کے تحت لسٹڈ کمپنیوں سے متعلق اسٹاک ایکسچینج انتظامیہ کو آگاہی دینا لازمی ہوتا ہے۔
