گورنر بلوچستان عبدالولی کاکڑ نے بلوچستان اسمبلی کا اجلاس طلب کرلیا۔بلوچستان اسمبلی کا اجلاس 28 فروری سہ پہر 3 بجے طلب کیا گیا ہے جس میں نومنتخب ارکان حلف اٹھائیں گے۔
جاری کردہ اعلامیے کے مطابق اسپیکر جان محمد جمالی نئے ارکان سے حلف لیں گے جس کے بعد اجلاس کے سیشن میں نئے اسپیکر اور ڈپٹی اسپیکر کا بھی انتخاب کیا جائے گا۔
یاد رہے کہ عام انتخابات 2024 کے بعد پنجاب اور سندھ اسمبلی کے افتتاحی اجلاس ہو چکے ہیں جن میں نومنتخب اراکین کی جانب سے حلف اٹھا لیا گیا ہے۔
صوبائی اسمبلی کا اجلاس گورنر بلوچستان کی جانب سے طلب کیا گیا ہے جبکہ اسپیکر سمبلی جان جمالی اجلاس کی صدارت کریں گے۔
