نئی دہلی (ڈیلی پاکستان آن لائن) بھارتی حکومت نے عام انتخابات سے قبل اہم فیصلہ لیتے ہوئے ملک بھر میں پیٹرول اور ڈیزل کی قیمتوں میں کمی کا اعلان کردیا۔
بھارتی میڈیا کے مطابق حکومت نے پیٹرولیم مصنوعات کی قیمتوں میں فی لیٹر 2 روپے کی کمی کا اعلان کیا ہے۔ قیمتوں میں کمی کا اطلاق آج سے ہوگیا ہے۔
وزارت پیٹرولیم و قدرتی گیس کا اپنے بیان میں کہنا ہے کہ ملک بھر میں پیٹرول اور ڈیزل کی قیمتوں میں 2 روپے فی لیٹر کمی کی گئی ہے۔ نئی قیمتوں کا اطلاق 15 مارچ کی صبح 6 بجے سے کیاگیا۔
